يا بو حسين شوف الزهره وقعت وين شوف الزهره

يحيدر قوم للزهره هوت بالباب و المسمار صوبها و ضلعها إنصاب

إشلون إمصاب ما مثله نشوف إمصاب و سكان السمه ناحت عله الزهره و بواجيها

حمره العين شوف الزهره وقعت وين شوف الزهره

عله إمصاب الزجيه إظلمت الوسعه و إجبال الأرض مادت ويه السبعه

و بحار الكون ماجت حزن عالبضعه و الدنيه غدت ظلمه جن حل الوعد بيها

هذا الحين شوف الزهره وقعت وين شوف الزهره

يبو الحمله هوت للقاع مصيوبه سقط منها الجنين و بيش مطلوبه

تصد للناس عالكرار مقلوبه و خانت بالوصي العدوان من عقبك يهاديها

إتريد إمعين شوف الزهره وقعت وين شوف الزهره

ليش الناس مقلوبه غدت صوبين جنها إتقول طلابه و تريد الدين

لابد تاخذك مجتوف يا بو الحسين و إنت صاحب الفقار بتارك رقه إعليها

صل إحنين شوف الزهره وقعت وين شوف الزهره

إلك وثبات معروفه يبو الحملات ما ينسون عدوانك لهم عتبات

إلك صمصام قص إرقاب ذل هامات لوله أوصيت المختار رمشت عين تفنيها

إتعرفك زين شوف الزهره وقعت وين شوف الزهره

عدوانك تعرفك زين يا كرار نفس المصطفه إنت وصي المختار

إشعدها اليوم ما ندري إجت للدار أشرار السقيفه إبليس غشمرها و يغاويها

تطلب دين شوف الزهره وقعت وين شوف الزهره