آخر الأخبار

ديوان السادة

يالمختار هذا الصار

19 سطرًا

يالمختار... هذا الصار... يا سيد البريه

جانت وجوه المطلب إمغلفها ... و الأمه ما جانت قبل تعرفها

ما فكرة يوم الزمن يكشفها... ليلة وداعك و إتضح موقفها

مو أخيار ... ناس أشرار... من الجاهليه

يشهد وضع أمتك يا هاديها... عن البلاء المضرم الحل بيها

عهد الضلاله و الجهل رد ليها... و إتسلط الما عنده رحمه إعليها

و الأخطار ... و الجزار... راواها المنيه

يامن إبعدلك وحدة جلمتها... مزقها غاب التفرقه و شتتها

أهل السقيفه إشقررت جلستها... شوره الخليفه إتعينه إبرغبتها

و الكرار... حامي الجار... للهادي وصيه

و الموقف البين دجل هالأصحاب... من هاجموا بضعتك أم الأطياب

و حين الذي لاذت دفعوا إعليها الباب... عصروا صدرها و الضلع منها إنصاب

باب الدار... بالمسمار... صابوها الزجيه

ناس الذي جانت قبل متستره... طول الزمن يفضحها ضلع الزهره

سمعتك وصيت إشكثر بالعتره... و العتره بين إمسمم و قطعوا نحره

و الأطهار... بيها إشصار... من ظلم آل أميه

يالمصطفه نشكي الهموم البينه... شيعة علي و إنت الذي إموصينه

نتمسك إبحب الوصي والينه ... و أهل الحقد صبت غضبها إعلينه

و الأنظار... ليل إنهار... صوب الغاضريه

شارك هذا المحتوى
9٬021مشاهدة