يا بويه إخلافك هضموني ما راعوك و ما راعوني

إنهض بويه و زيح إترابك و إنظر لوعاتي من أصحابك

آذوني و جسروا بغيابك جم لوعه و حسره راوني

هاك إسمع بعدك أخباري شبوا نار الجور إبداري

و آنا إبخوف إبغير إخماري دخلوا بيتي و ما هابوني

خلف الباب ردت أتواره و من ذاك المعلون و ناره

خلاني الفاجر محتاره و قمت أنخاك إبدمع إعيوني

حس بيه الطاغي و هاجمني و برجله إعصرني و سقطني

جاب السوط و بيه يضربني لمن صارت سود إمتوني

دم صدري إتفايض عالعتبه حامي الجار القوم إتسحبه

بيش إتطالبني و شتطلبه نكروا والينه و نكروني

فوق الصار و ضيم العصره منعوا تبجي إعليك الزهره

قطعوا عمداً حته الشجره مذهوله إبفقدك خلوني