مظلومه بت حيدر علي... زينب زينب

بالغربه ما عدها ولي ...زينب زينب

زينب إتنادي ...يا وصي الهادي... يا من جنت وكت الشدد ذخري

إبكربله تعلم... من تجاره الدم... و قطعوا جفوف اللي كفل خدري

ما تدليني ...منهو يحميني ...غربان أميه إتهدده القبري

كسروا جنحي ...و هيجوا جرحي... ميته و يدري

صعبه العقيله تنولي... زينب زينب

بالغربه ما عدها ولي... زينب زينب

أدري يا حيدر... بالشدد تحضر ...و الينتخيك إبحق تلبي له

و آنه ناجيتك ...بويه يا ريتك... تحرسني و المرقد تباري له

تدري ظلامي... الحرقوا إخيامي... إتحاوط مقامي إبصبحه و بليله

و كتبت أعدانه... إبصحني و أركانه... المرقد يزينب لازم إنزيله

تقبل ينادوني إرحلي ... زينب زينب

بالغربه ما عدها ولي... زينب زينب

جان أبو فاضل ...حارس و كافل... و بعهده محد شاهد إخيالي

اليوم أنا إبحيره ...و ريت أبو الغيره... عباس أخويه إيشاهد الحالي

ما أظن يقدر ...قلبه يتصبر... لو عينه شافت مرقدي الخالي

إجفوفه ترويني... و روحه تسقيني... و عالقبه يرفع بيرغه العالي

ما يرضه حتماً كافلي... زينب زينب

بالغربه ما عدها ولي... زينب زينب

منك إبزغري ...إتعلمت صبري... و أعظم درس بمصيبة الزهره

فّزت وونت ...و للضلع حنّت ...من غسلتها و إلجمت كسره

و الله يالغالي ...شفتك إقبالي... قلب الصخر من همك إتفسره

ما خنت عهدك ...و إدفنت وحدك... و باقي قبرها مختفي سره

بسما أظن تقبل إلي... زينب زينب

بالغربه ما عدها ولي... زينب زينب

زمن عاداني ...و كلشي راواني... يكفيني بالشامات مدفونه

تدري بالغربه... الينفجع قلبه ...يصعب لون وحده يخلونه

قبري يا كرار... إبدار أميه صار... و إيهددون اللي يزورونه

و حاشه للشيعه... عهدك إتبيعه... و للموت قبري هم يحمونه

صوت الموالي يعتلي... زينب زينب

بالغربه ما عدها ولي... زينب زينب

يا علي أنخاك... من تجي وياك... من بذل عالمشرعه إجفوفه

يا أعز الناس ...إخبر العباس... زينب تريد الوجهك إتشوفه

لو وصل يمي ...ينفرج همي ...و ما ظن إخويه المرقد إيعوفه

و ما يخليني ...حيرتي إبعيني ...يقصد ضريحي وحده إيطوفه

و هو اليجاوب سائلي... زينب زينب

بالغربه ما عدها ولي... زينب زينب