فاطمه أول دعائي...و أفتخر ليها إنتمائي

هي قرآن المحبه...هالإسم يجري بدمائي

فاطمه صوت الحقيقه و بذكرها يجري دمعي

كل وكت أصبح تنادي يا غياره ضلعي ضلعي

هالإسم ربك يحبه ما يخيب البيها يدعي

الصفه و المروه هيه و اليحب ويانه يسعي

فاطمه أول حبيبه ...للدهر أول مصيبه

و آنا ما أنسه ضلعها ...شاهده أرض و سمائي

إحنه درب الحق نعرفه ما نساوم يالزجيه

و اليضد يعرف طبعنه رافضيه رافضيه

إحنه قررنه و هتفنه ثوره ضد الناصبيه

ما نخاف الموته مره للشرف تحله المنيه

يرتفع صوت الغياره ...و إحنه نحجيها إبجداره

كل شخص شيعي موالي ... أقسم ووقع فدائي

يا ضمير الأمه وينك كلمه موجوده إبضميري

فاطمه عندي أميره و حيدر الوالي أميري

ما أطخ للذله راسي رافضي و أعرف مصيري

بالوفه ما كو شبيهي بالحرب ما صح نظيري

قدمت نحري هديه ...فدوه للزهره الزجيه

مدرسة عابس أحبها ...خرجّتني كربلائي

فاطمه عندنه حوائج و إنت باب الله الوسيعه

إنتي بالدنيه طبيبه بالحشر إنتي الشفيعه

إنتي هيبتنه و شرف و الشرف لا ما نبيعه

نقسم إعليج إبحبيبج و الجفوف العلشريعه

ربي لا ترحم خصمها ...و النكر حقها و هضمها

و اليجامل لا ترحمه ... منه كل همي و عنائي