للمحسن دمعتي إبطارف إعيوني أشرح معجم الآهات خلوني

للمحسن مصيبه و لازم أرويها و يم أهل العقل و الراي أحجيها

بمصاب الضلع و الباب أبديها أريد أكشف حقيقه و خل يلوموني

بده وقت الحجي و لابد يجي إبمضمون كل شيعة علي الكرار ينتظرون

ثار المحسن و ثار أمه ما ينسون مجنون إبعلي إشتردون سموني

يم باب الحزن آهات مذبوحه محسن للشهاده إتبرع إبروحه

آيات و مشاعر تنزف إجروحه يا جدي ينادي القوم ظلموني

هذا أصغر شهيد إيطيح عالغبره من حكم السقيفه النفذوا أمره

ما ننسه مصاب الباب و الزهره عن مجلس عزاءه ما تمنعوني

وينك يا صريع الباب حاجينه يمحسن ليك إخذنه و بيك دلينه

شيعه إحنه صلاة الموت صلينه سمعناك إبونينك صحت ذبحوني