و الله لو نجري مدامعنه دمه أبد ما ننسه مصيبة فاطمه

فاطمه يا فاطمه فاطمه يا فاطمه

هذا صوت إمن الضماير يرتفع يسأل التاريخ عن كسر الضلع

نبجي لمصاب البتول إبيا دمع هاي نار و بالجوانح مضرمه

إشما تدور الدنيه و إيمر الزمن إنصيح صيحة حيدر إبوجه الفتن

من خدمنه الزهره فصلنه الجفن و ثار نطلب هالعصابه المجرمه

ننشد أصحاب المبادئ و العقول و الضمير الطاهر الحر إشيقول

إشلون زمره صوبت ضلع البتول مدت إجفوف الخيانه الآثمه

قدمينه إرقابنه و نشعر قليل بالضلع مستعره نار المستحيل

نسحق الدنيه لو بينه تعيل نبقه أحرار و عمرنه إنقدمه

نسأل المحجوب و إنريد الجواب أمل عدنه إيعود من بعد الغياب

يا مصاب الأشد من هذا المصاب كسر ضلع أمه الزجيه إيألمه

للمنايه إجروح عدنه تبتسم عالطغاة إتثور لمن تنلجم

نكتب إحروف الشهاده إعله النجم و بدمانه إنخوض اكبر ملحمه

إحنه ما عشنه أبد مثل العبيد ما تنام إعيونه و لحظه تهيد

بينه صوت إيصيح حي إعله الشهيد علقينه إوسامنه إبصدر السمه

شيعه إحنه و ما تغيرنه السنين لو تقطعنه البواتر ما نلين

نكتب آيات المجد فوق الجبين للشهاده إنروح دفعاً سالمه