ما يهدأ البال...قلبي عليكم

يا خير الأجيال...أتباهه بيكم

كلكم حميه...يالجعفريه...أتباهه بيكم

يا ناس أنا أم القمر ...ذاك الذي ظل عالنهر

أصبح شريكي بالحزن... كل الإجه و للطف حضر

من حب أبو الأكبر همت... و إتغربت دمعة سفر

يا زاير حسين ...آنا أم الحسين

آنا أنطي جفين ...و إنت إدمع العين

إلكم تحيه...يالجعفريه...أتباهه بيكم

أم البنين إويه المشو... تمشي إبمدامع هامله

لو شافت الرايه بجت... يا حامل الرايه هله

تبقه تنادي للحشر ...يا كربله يا كربله

تحسبكم إحساب... بالطف تراقب

مشكوره الأتعاب... يهل المواكب

وافوا الزجيه ...يالجعفريه...أتباهه بيكم

طبعي وفه و للي... ذكرني إبمشكله ما أعتذر

أقضيها لو يقره إليَّ... الفاتحه تسهيل أمر

وياكم و ما أبتعد... و أحضركم إبعسر و يسر

مرفوعة الراس... و أمشي إبجلاله

شرفّني عباس... راعي الكفاله

بالغاضريه...يالجعفريه...أتباهه بيكم

أم البنين و سفرتي... إمجربه و صارت مَثل

و للأكل منها و طلب... ما يرجع إبخيبة أمل

سفره تحل كل مشكله... و كل معضله تشفي العلل

و العنده دمعه... يجريها لإبني

للموت أتبعه ...كلمن نذبني

آني الوفيه ...يالجعفريه...أتباهه بيكم

لجلي تجي أم الحسن... يوم الحشر تجري الدمع

بنت النبي تحمل طبق... و إتنادي في ذاك الجمع

يا ربي ما ذنب الجفوف... إعله النهر من تنقطع

عدلك يمعبود... هاليوم أريده

من شالن الجود ...يشهد عضيده

هاي القضيه ...يالجعفريه...أتباهه بيكم