شفت بالطف... قمر يضوي ...سحر عقلي إبجماله

لبس درعه ...طفه الشمعه ...حلو زعله و دلاله

طلع شباب إمن الخيم ...قومي يرمله هلهلي

ما ترمش إعيون اليصد الشكله ...جم قل أعوذُ اليوم تقره رمله

تنظر إبنها إبلا وعي و مندهله ...أم التودع إوليدها شتقله

يبعد أمك إخذ عمري... و لا عمرك يغالي

حلم عمري تجازيني... عقب سهر الليالي

خوفي عليك امن الحسد... يوليدي محروس إبعلي

طلع شباب إمن الخيم ...قومي يرمله هلهلي

سل صارمه زعلان و إتعناهم ...طلبوا لقاءه و إشتهه ملقاهم

إني أنا شبل الحسن ناداهم ...جدي علي و صولة علي راواهم

شبل هاشم برز ليهم... هله إبسيف الهواشم

سؤال الكل صفه واحد... علي لو هذا جاسم

جاسم زعل وين المفر ...يرض الطفوف إتزلزلي

طلع شباب إمن الخيم ...قومي يرمله هلهلي

ناده يظل عطر الحسن بأنفاسي ...اليوم أذكر الما دره و الناسي

آنا الحسين الحيدري العباسي ...غيره و رجوله امن الجدام الراسي

و حق حيدر فلا أقبل أذل مره بحياتي

شفت موتي لجل دين...ي ولاده في مماتي

قل لا فتى إلا علي ...لا غير أبو الحمله ولي

طلع شباب إمن الخيم ...قومي يرمله هلهلي

ما أتيه و درب الشرف أندله ...و الله ألف موته و لا مذله

منهو اليجي و إقبالي سيفه إيسله ...يوصلني و آنا إبيا علي أوصل له

المهم عندي يظل عمي... عدل و آنا فدائي

وصيت الأب لبو اليمه... أضحي له إبدمائي

حيدر يظل طول الدهر... هو الحبيب الأولي

طلع شباب إمن الخيم ...قومي يرمله هلهلي

ما همته إجيوش العدو و الكثره ...و اليقرب الجسام سيفه إيشطره

يا ويلي من هذا الزمان و غدره ...و رمله الحزينه بالخيم منتظره

ألف وسفه إنشطر راسه... و حضر عمه يودعه

قعد يمه أبو اليمه خلط... دمه إويه دمعه

يبقه مصابك للأبد... يبن الحسن ما ينجلي

طلع شباب إمن الخيم ...قومي يرمله هلهلي

يم الولد راح العزيز الحتفه ...يا رمله من دم راسه حنوا جفه

خلي الشموع إمن المدامع تطفه ...يا ليتني مو حاضر ابهالزفه

أبو الأكبر حمل جاسم... ذبيح الخيمة أمه

نده زينب إجت زينب ...هله إبطولك يعمه

و أم الشباب إبلا عقل... جيبوا لي محبوبي إلي

طلع شباب إمن الخيم ...قومي يرمله هلهلي

شبكت إبنها و نادته ها يبني ...ها يالولد جنك تريد إتذبني

إقعد يجاسم يمه لا تعذبني ...ميت يغالي لو عدل جاوبني

بعد ما ظل أمل عندي... و لا ترجع إليه

صدق يبني تودعني ...تموت إبين إيديه

و من غمضت إعيونك بعد ...منهو اليرجعني الهلي

طلع شباب إمن الخيم ...قومي يرمله هلهلي