يغادر كل ملك موضع سماءه ...سماءه

يريد إبكربله إيجدد ولاءه... ولاءه

لبو اليمه يجي يزور...يسجل إسمه بالنور

يريد إبكربله إيجدد ولاءه

خيالي إبهذا رسمه...أخذني الأعله قمه

بسماء العاليه إنجوم...و أعدهن نجمه نجمه

ملائك ربي إلها...دوي و مشغوله كلها

صفوف إمقابله إصفوف...حرت إلمن أكلمه

خيالي إعيونه تربي...قلت أملاكه ربي

أظنها رادت اليوم ...تنفذ فد مهمه

مهمتها إكشفتها...بجيت من إعرفتها

تجيها الكربله إبشوق...شبل حيدر تشمه

أشاهد كل ملك ينشد دعاءه ...دعاءه

يريد الكربله يوصل نداءه... نداءه

سعي من الله مشكور...يسجل إسمه بالنور

يريد إبكربله إيجدد ولاءه

ملائك كلها نزلت ...إبحزن و بحسره صلت

تشم إبتربة حسين ...عليها الدمعه هلت

يشبل الزهره صاحت ...على أحزانه ناحت

إبمواقد جمرة الروح ...هوت للتربه قّبلت

هدفها شفته واضح ...عشق يملي الجوارح

تعنت هالمسافات ...و لا عنه تخلت

بأمر رب الجلاله ...تجي الشبل الرساله

عله إجروحه و نزفها ...ورود الجنه خلت

جسم متعفر و تحمل دواءه... دواءه

بأمر رب العرش تنسج رداءه ...رداءه

صبح كل منهم إبدور...يسجل إسمه بالنور

يريد إبكربله إيجدد ولاءه

رسمها إبطاعة الله ...صور محفوره بدماه

تمنت كل الأملاك...لونها حاضره إوياه

ابو اليمه إبجهاده ...أمير أهل الشهاده

بعد ما إتشاهد العين ...غيور إبهذا معناه

منو دمه إبجفوفه ...إحملت ساحة طفوفه

إبعزيمه ترهب الموت ...قبلما ترهب إعداه

حمل بأفكاره ثوره ...يريد الحق ينصره

لإبن آكلةِ الأكباد ...أبد ميمد له يمناه

نزل للحومه و بجفه لواءه ...لواءه

بطل و الدينه ما ينضب عطاءه... عطاءه

يريد بأروع إسطور...يسجل إسمه بالنور

يريد إبكربله إيجدد ولاءه

نزل أرض المعاره ...شهم ماخذ قراره

عله الظلام الأوغاد ...يحقق إنتصاره

نطه إشبول الأماجد ...غرر مثل الفراقد

تفانوا لجل الإسلام ...عله المبدأ غياره

علي الأكبر تقدم ...يريد إبساحة الدم

يخط بجروحك التسيل...نهج دينه و شعاره

حمل عبدالله بيده ...يريد إبدم وريده

يسجل بأربع إحروف...مضامين إفتخاره

رفع للباري بالحومه دماءه... دماءه

شهيد المعتقد للحق فداءه... فداءه

أخذ عبدالله منحور...يسجل إسمه بالنور

يريد إبكربله إيجدد ولاءه

وتر و بهذا وضعه ...لبس قلبه إعله درعه

نزل و يصافح الموت...نصر دينه يدفعه

ألا من ناصر إيصيح ...قبلما عالثره إيطيح

يريد إيحشم الناس...يريد الكل تسمعه

أبد لا و الله مو خوف ...سليل الهادي معروف

تمنه الجنه للراد...خلود بأعله رفعه

صريع و ربنه خله ...الكواكب و الأهله

منازل كل الأفلاك ...تهل دمعه إعله دمعه

يظل خالد أبو الأكبر وفاءه ...وفاءه

يظل بالعالم العلوي عزاءه ...عزاءه

يظل بالدنيه عاشور...يسجل إسمه بالنور

يريد إبكربله إيجدد ولاءه