يمه راح أبقه غريبه... غريبه غريبه

حايره الليله بمصيبه ...بمصيبه بمصيبه

بين خدري و غربتي ...و بين توديع إخوتي

إمخدرة هاشم و جدي المصطفه الهادي الرسول ...مرسل الرحمن سيد أكوانها

حايره إبتوديع إخوتي شرد أسولف شرد أقول ...كربله صبت عليه أحزانها

قومي من قبرج الليله و شوفي حالي يالبتول ...إتودع العيله إجت وليانها

يمه لرض الطف تعالي... تعالي تعالي

الليله تبجين إعله حالي... إعله حالي إعله حالي

بين دمعي وونتي...و بين توديع إخوتي

كل صبح بيه شمس تبزغ بس شمس صبحي تغيب ...روحي ما يبزغ بعد مصباحها

يمه حته إرموش عيني إمن الحزن باجر تشيب ...لحظه روحي هالزمن ما راحها

جم عزيز إيروح عني و راح اودع جم حبيب ...و باجر إخواني تضحي أرواحها

إشلون إبن حامي دخيله... دخيله دخيله

إيعوف بالغربه العقيله... العقيله العقيله

بين هضمي و حيرتي ...و بين توديع إخوتي

يمه كلما شوف إخوتي أذكر أيام الدلال...يالزجيه و هيبتي و ماضيها

يمه وي مصباح باجر تنذبح كل الرجال ...و هالحرم يا هو الذي إيحاميها

من تون سكنه إعله بوها إتفطر إبونها الجبال ...إيصد لي مره و مره ينظر ليها

دهري برض الطف رماني... رماني رماني

و الله حيرني زماني... زماني زماني

بين جيتي و ردتي ...و بين توديع إخوتي

يمه ينظر لي كفيلي إيشوفني متحيره ...و آنا أذكره بالقسم و إعهوده

يمه من ينظر لي جنه إيقلي يختي المعذره ...يدري تتقطع اخويه إزنوده

إشلون لو جن ليل باجر و أهل بيتي إعله الثره ...يمه و إجفوف القمر يم جوده

إشلون باجر يالزجيه... الزجيه الزجيه

إبيا حزن تمسي المسيه ...المسيه المسيه

بين هضمي ووحدتي ...و بين توديع إخوتي