خيرُ الأُصولي ...آلُ الرسولِ

لا تدعونّي فاطمه ...بعدَ البتولِ

صورة خيالي إتطوف من عالم الروح

بيها إنرسم سلطان و بهيبته إيلوح

إسمه إنكتب بالنور عالكرسي و اللوح

لو روحي من إتروح هالصوره متروح

ثم إجتباني ...مولا زماني

تمضي لدارِ المرحمه ...بعدَ البتولِ

آنا أعرف الهالدار منهو نزلها

الهذا إجيت اليوم أخدم أهلها

قلبي فتح لي الباب قبلي و دخلها

إينادي العقيله وين متلهف إلها

قلبي دهاها ...تبكي بكاها

حيثُ الرزايا مؤلمه ...بعدَ البتولِ

آنا الذي إترجيت حامي الحميه

يا فاطمه ميقول لو صاح إليه

خافن تفز إجروح ظلت خفيه

و من تسمع إخت حسين بإسم الزجيه

طالَ أساها ...روحي فداها

أبقى عليها لاطمه ...بعدَ البتولِ

آنا أسهر و بالليل ما تغفه عيني

و من أبجي عالزهراء خافت ونيني

صار القمر عباس أول بنيني

حب الولايه جان يرضع حنيني

الله ُ قرر ...لِنهجِ حيدر

أقضي حياتي خادمه ...بعدَ البتولِ

و حين إنولد عباس حيدر أشوفه

عينه إبحزن و إدموع جانت تطوفه

إيدير النظر ملهوف و بقلبي خوفه

مره إعله نحر حسين و مره الجفوفه

كفُ المحامي ...فيها مرامي

أعطتني خيرَ خاتمه ...بعدَ البتولِ