أمك و أريد أوصيك...عودك علي امربيك

والدك لا تتعذره...يبني يسبع القنطره

إجت أم البنين المدمع إتسيله

يم عباس إبنها إبعبره تشجيله

يبني إتقله يا غيرة علي و حيله

زينب يم أبوك إسمعها تشكي له

تشكي إبقلب مجروح ...يا بويه عني إتروح

ترضه العقيله إمحيره ...يبني يسبع القنطره

إنحنت عالطبره زينب و الدمع سجاب

تقله إمن الزغر بالباب قلبي إنصاب

ابحزن أمي بعدني و صابني المحراب

فقدك مو سهل بويه يداحي الباب

عشت العمر بحماك ...يرحل دلالي إوياك

و ترضه العقيله إمحيره...يبني يسبع القنطره

ألف وسفه يبويه إتروح ألف وسفه

لجن خدري عزيز و غالي إتعرفه

أريدن لي كفيل امن إخوتي إتكلفه

و هالليله إبمصيبة فاطمه إتحلفه

قلها إخوتج حراس ...و الكافل العباس

صاح و شبح لي إبناظره...يبني يسبع القنطره

و أريد اليوم يبني يا القمر أنخاك

و أدري إعله الحميه والدك رباك

إبشيباتي عليك و دري الغذاك

تنشف دمعة إختك زينب إبيمناك

إنهض لبوك الحيد ...شوف الوصي شيريد

و إستمع شنهو إيقرره...يبني يسبع القنطره

إجه العباس مهتم و أمه تمشي إوياه

إنحنه إقبال الصميده و قطرت عيناه

قله يا قمر زينب عظيمة جاه

و أخذ جفها إبيمنته و سلمه إبيمناه

قله يكافل هاك ...من يمنتي اليمناك

إختك عقيله إمخدره...يبني يسبع القنطره