مسلم من تزوره إبدمعه هماله إخبره إبكربله بالجره إعله أطفاله

يمسلم قله هم عندك خبر منهم يوم الراح حماي الضعن عنهم

و إخيول آل أميه لفت لخيمهم و ريتك جنت من هجمت الخياله

لون حاضر تشوف الجيش طوقهم إذا شردوا إخيول القوم تسحقهم

إذا ظلوا لهيب النار يحرقهم شافوا حال أشد بالخوف من حاله

و زينب بت علي المظلومه عمتهم تدور عاليتامه إتريد لمتهم

و أطفالك يمسلم حين فقدتهم دوهنها الذبيح حسين و إعياله

مذعورين شردوا وين ما يدرون إيد بإيد خلو و بحدر يمشون

و ابن إزياد قومه إعليهم إيدورون يصيح الجايزه الياخذها هنياله

و لن حرمه شريفه إبحين شافتهم للدار إبدمع همال جابتهم

إنتو منهو أبوكم حين نشدتهم تصد لن الدموع إنجوم تلاله

يحره جاوبوها إثنينه إخوان و جدنه اللي تسمه حامي الجيران

إحنه أولاد مسلم و الدهر خوان و عمنه حسين محد شيعه و شاله