هاي الراويه للبشر تتجله إتعناه أبو حمزه الثمالي إيقله

كافي الدمع يبن الرسول إتهله تجري الدمع ليل إنهار يا حاله تترجاها

ناده يبو حمزه بعد ما تم حيل لتلوم دمعي لو جره إنهار و ليل

ما شفت مثلي إجسوم داستها الخيل هالدهر راواني إهموم و الغيري ما راوها

متقلي شيصبر يبو حمزه الروح يعقوب فاجد ولد واحد و ينوح

و آنا شفت جم و جم يوسف مذبوح إمغسله إبدم الأوداج و الجفن من بوغاها

مصدوع قلبه و منهو يجبر صدعه محزون ما فارقت عينه الدمعه

هالدمعه صرخه و عالظلم مرتفعه مجروح و إجروح الناس من دمعته شافاها

هاي المدامع جعل من عدها إلسان يفضح ارباب الجور و أهل الطغيان

وجه الظلم من جفنه فجر بركان