هذا العمر طيف... لحظاته محسوبه

و اليصحه يا حيف ... ما يلقه محبوبه

عشناها مأسات... و الدنيه لحظات

حسافه أهل الوفه يبقون بس ذكره

قضيناها سوه عالحلوه و المره

يظل بالروح عايش طيب العشره

تمنيتك يعمري إتروح وي عمره

ما يرجع الراح ... لو عيني أبجيها

حته الجفن طاح... عالما يمر بيها

بيدي الفرح مات... و الدنيه لحظات

إشعندك يا زمن غير الحزن قلي

عشت ويه المدامع من عفت أهلي

عزيز الروح راح و غيره ما ظل لي

دفنته إبكربله و هيهات يرجع لي

بجفوفي لميت ... أوصاله يا دهري

يا بويه ناديت ... و الله إنكسر ظهري

ما أنسه هيهات ... و الدنيه لحظات

أريد النوم بلكي إبنومي أنساهم

أول ما أغمض إعيوني ألقاهم

ألف موته و لا نيران فرقاهم

و ألوم الروح ما ظليت وياهم

الميت إرتاح... و آنه إنشغل بالي

لو أفدي أرواح ... ما يرجع الغالي

صارت حكايات ... و الدنيه لحظات

آنه الذبحوا أهلي و شفت ذبحتهم

و أشاهد روسهم و إرماح رفعتهم

إشكبر صبري و أشوف الخيل سحقتهم

عطاشه و ظلت إعله الماي حسرتهم

يالتشرب الماي... لا تنسه أبو الأكبر

و إتذكر إوياي... قلبه الذي إتفطر

هاي المواسات ... و الدنيه لحظات

إخويه إيغمض إعيوني تمنيته

أظن مثلي تمنه و آنا ما جيته

يجيني إشلون و آنه إبلحده خليته

صحت يحزام ظهري ليش ناديته

طبع الإخو إيريد... من اليودعونه

يحضر له العضيد ... و يغمض إعيونه

صارت معانات... و الدنيه لحظات

أعرفكم ابنفسي لو عرفتوني

أنا السجاد أنا و هالليله ودعوني

إذا شفتوا عليل إينوح إذكروني

و آنه البلحبل يا شيعه قادوني

قادوني بحبال... و إعيالي قادوها

تاذيني الأطفال... لمن يضربوها

طول المسافات ... و الدنيه لحظات