إحنه جيش الغاضريه... يا أبا الفضل

إحنه جيش و إنت قائد و القياده بإيدك ...و الملك يبقه الحسين سيدك و إعضيدك

يبقه مرجعنه عضيدك و بنفس تقليدك...يبو فاضل للشدايد إحنه دوم إنريدك

و إحنه ما نخشه المنيه ...يا أبا الفضل

إحنه نرفع راية الحق إنت راعي الرايه ...و إحنه متعلمين منك الوعود إحجايه

علمتنه من نعاهد للعهد وفايه ...و إحنه يالعباس إجينه الحضرتك مشايه

نوفي للزهره الزجيه ...يا أبا الفضل

من صحت يا نفس هوني أثبتت إيثارك...أفضل إدروس الإخوه علمت أنصارك

عايش إبروح اليحبك موقفك و إصرارك...لا يزال الماي ينقل للبشر أخبارك

موقفك غيره و حميه...يا أبا الفضل

راية الحق و العدالة بإسمك إنعليها ...إن قطعتموا يميني كل وكت نحجيها

إشما يكثرون النواصب ننتصر تاليها...و اليضد حامي الحميه إبكربله إنراويها

نهتف الحامي الحميه...يا أبا الفضل

عنفوان أهل الضلاله إنسحق بجدامك ...إتمنتعش مليون فارس يا قمر قدامك

إبرز إبقوس الشهامه و الغياره إسهامك ...عدنه من أعله المراتب خادم الخدامك

هذا صوت الجعفريه...يا أبا الفضل

يبو فاضل تدري زينب عالهزل ودوها ...و إنت نايم عالشريعه خصمك إيسلبوها

من بعد ما عذبوها الكربله ردوها ...بس رقيه إهناك ظلت ويلي ما جابوها

ما إجت للطف رقيه ...يا أبا الفضل