أنا المظلوم تدروني أنا المظلوم تدروني

ياريت المصطفه جدي و ابويه الوصي يشوفوني

يا شيعه و ياريتكم وياي بالطف و تنصروني

عگب صحبي و أهل بيتي وحيد اهناك تلقوني

و مثل موج البحر هالجيش برجال و خيل حاطوني

من كل جانب و كل صوب بمراميهم تولوني

و هذا أول اصواب البيه أهل الغذر صابوني

ضربوا بالحجر راسي و نزل دمي عله اعيوني

ردت أمسح الدم بالثوب يا شيعه بسهم ضربوني

و طحت من علمهر للقاع و العسكر ينظروني

ابنزيف الدم ضعف حيلي أعالج و انخطف لوني

الشمر بالسيف حز راسي اعله رووس ارماح شالوني

و جسمي بماي ما غسلوه بدم رقبتي غسلوني

و كأن السان حالي ايقول يا شيعة يالتسمعوني

يا شيعه لمن اتشربون ماي العذب ذكروني

هذا آنه المتت عطشان و من الماي حرموني

و لو شفتوا شهيد انصاب بالدمعات انذبوني

أنا سبط النبي و من دون جرم و ذنب ذبحوني

يا شيعه و من بعد ذبحي بجرد الخيل سحقوني

صريع اعله الأرض جسمي و بلا دفن خلوني

و على اتراب بالحر ثلاثة أيام تركوني

ياريت النبي و حامي الجار و الزهره يحضروني

و يغسلوني و يجفنوني و بيديهم يدفنوني