إلا أوصل كربله إلا أوصل كربله... و أشتكي لحسين و أشتكي لحسين

ما أريد أشكي و أقله خصمك إشسوه... بس عله اليتسمه شيعي أرفع الشكوه

حاله حال اللي يضدني و يزرع العبوه... و اليبيع الذمه أدري إعتاب ما يسوه

هيه نفس المسأله هيه نفس المسأله... و أشتكي لحسين و أشتكي لحسين

الكسر ضلع الزجيه يعترف بيها ... و العجيبه المن نبيه إتستر إعليها

قال ما كاسر ضلعها و لا وصل ليها... ضربة المسمار بدعه و نار تاليها

بينه يهدم معوله بينه يهدم معوله... و أشتكي لحسين و أشتكي لحسين

إنتهوا من الزجيه و داروا إعلينه... و اللي يطبر راسه قالوا خرج عن دينه

يالخفت من النواصب بالله خلينه ... غصبن إعليك و عليهم علي والينه

يالخنت عقد الوله يالخنت عقد الوله... و أشتكي لحسين و أشتكي لحسين

شافوا المشايه تكثر من يفجروها... توصل إبيوم أربعينك ما يمنعوها

مستحب قالوا عليها لا تزوروها... و الله يحسين إبتلينه الغيره باعوها

بيهم الشيعي إبتله بيهم الشيعي إبتله ... و أشتكي لحسين و أشتكي لحسين

و اللطم قالوا تخلف ما تتركونه... لو بجيت إبجي إعله كيفك لا يسمعونه

دوله محسوبين شيعه يالتلومونه... كلشي متريده النواصب ما يريدونه

بالزعل قلبي إمتله بالزعل قلبي إمتله ... و أشتكي لحسين و أشتكي لحسين

ياللي تطعن بالشعاير أصلك إنعرفه... و الله لو ردنه نكشفه أمرك إنكشفه

إحنه معروفين تدري إبساعة الكلفه ... الدفع لحسين دمه و الدفع جفه

يالتجامل قاتله يالتجامل قاتله... و أشتكي لحسين و أشتكي لحسين

إنت ليش إتقلي إسكت لا تكلمهم... إتصورت آني أقصدك من أهاجمهم

يعني أثبت بالأدله إنت تتبعهم... أقسم إبضلع الزجيه ما أجاملهم

و آني من هالمشكله و آني من هالمشكله... و أشتكي لحسين و أشتكي لحسين