عجايب يا رسول الله و غرايب يا أبو العتره

الحسن قبره إبحماك إشلون ترضه ينهدم قبره

إبحياتك يا رسول الله سند للكون وجدانك

و من أشّر عليك الموت بيده و دفن جثمانك

ضريحك صار للمطرود مفزع و الكرم شانك

يالقبرك يزيل الهم ...و الوافد إلك يسلم

غوالي إبدهره ما يشتم

و إذا يقصد إلك معلول يشم من تربتك يبره

وجودك رحمة الباري و ضريحك مفزع المحتار

أبد لا و الله ما ترضه و لا تقبلها يالمختار

حبيبك ينهدم قبره و يطوله معول الأشرار

إبحياته إنهضم و إتعذب...صليل السم جمر يلهب

إبمماته كابد الأصعب

إبحياته و موتته إمصابين و جنابك سيدي أدره

الحسن سبطك يبو إبراهيم تجرع بالحياة إهموم

عام أصعب و أشد من عام يوم إيمر أشد من يوم

عقب القهر لن شبلك عله إفراش الأجل مسموم

هذا الحسن يا جده ...قضه و مات إبغدر جعده

لهيب السم فطر جبده

إنخسف بدر السمه الحاله و عليه إنكسفت الحره

الحسن نحبه إنقضه و ثاني مصيبه ساعة الشيعوه

يم قبرك يبو إبراهيم لمن رادوا إيدفنوه

النواصب مانعوا و النوب إبنبل صار النعش يرموه

غدت ترميه عدوانه ...ابسهام و مزقت أجفانه

لو ما صبر خوانه

جان الدم يصير أمواج و دينك ينتهي أمره

المصيبه الأوله يالهادي الحسن بالسم جرع آهات

المصيبه الثانيه منعوا دفنه إبمرقدك من مات

المصيبه الثالثه التشييع تشجر نعشه بالرميات

المصيبه الرابعه الأعظم...عليها العالم إتألم

قبر المجتبه إتهدم

مصيبة هالعصر أصعب من كلما جره إبعصره

يهد عزمي القهر لمن أعاين قبر أبو محمد

ظلام و أصبحت أطلال معالم قبره و المرقد

عسه إنشلت أياديهم شملهم ريته يتبدد

بين الباغي و الكافر...و بين الرجس و الفاجر

هدموا مرقده الطاهر

إشعجب قلبك يبو إبراهيم ما ذاب إبجمر صبره

عجايب جم قهر تحمل غرايب و شوسع صدرك

تشيل إمصايب أولادك و إنت نايم إبقبرك

إسأل من إله الكون يعظم يالنبي أجرك

الحسن ريحانتك غدروه...عقب ما بالغدر سموه

قبره إويه الأرض ساووه

و هضموا حقه يالهادي مثلما هضموا الزهره

ما من رمح لا من سيف يزمه إبيمنته الظالم

إلا و يرتع و يشرب من دمكم يبو القاسم