الله.. اللهُ أكبر كبرَت أرض المدينه... الله.. اللهُ أكبر بعده ما وَدع نبينه

هي َّهاي أول شرار الطائفيه... نعتوا بالهَجر خير البريه

الله.. اللهُ أكبر بعده ما وَدع نبينه

مآسي شﮕد شفت منهم مآسي ...وياهُم خلصت عمرك تقاسي

حسدهم بالنفس جان الأساسي ... الباعوا دينهم لجل الكراسي

منعوا تكتب بورقه الوصيه...وتوصي بعلي حامي الحميه

الله.. اللهُ أكبر غَرّﮔَوا بينه السفينه ...الله.. اللهُ أكبر بعده ما وَدع نبينه

على فراش المنيه وعنيك تدير ... تدري الآلك شدَبّرَوا تدابير

تدري بحيدر وزهرتك شيصير ... بعدك بالخلافه يصير تزوير

جتمعوا بالسقيفه الناصبيه...وحَرفوا بالوصيه الأحمديه

الله.. اللهُ أكبرعلى هالناس اللعينه ...الله.. اللهُ أكبر بعده ما وَدع نبينه

حسافه يالنبي والله وحسافه ... صار أمر الﭽنت منهم تخافه

خانوا حيدر بعين صلافه... وأخذوا منه يالهادي الخلافه

ناس البايعت ماهي وَفيه...رَدت عالجهاله الكافريه

الله.. اللهُ أكبر نادى هالكون بأنينه ... الله.. اللهُ أكبر بعده ما وَدع نبينه

بعدك زهرتك لا ما رعوها ...سلبوا منها ورثك وأهظموها

أسأل بابها شلون أحرﮔوها... وبين الحايط وبينه أعصروها

أنظر يالنبي الخد الزﭼيه...شوف آثارجف أبن الدعيه

الله.. اللهُ أكبر هالمصاب شسوه بينه... الله.. اللهُ أكبر بعده ما وَدع نبينه

وطشت الي جرت من دم دمعته ... لمصاب الحسن ويلي وجبدته

حاضر يالنبي كون بمحنته ...وكون بهالوضع يالهادي شفته

يالهادي جرع سم المنيه...ونعشه نصاب بسهام الرزيه

الله.. اللهُ أكبر نادت الروح الحزينه ... الله.. اللهُ أكبر بعده ما وَدع نبينه

أﮔصد كربله يالهادي بالنوح ...حسينك ضامي ومن القفه مذبوح

ضل جسمه ثلث تيام مطروح ...وتون عيلته أعليه وَنت الدوح

شوف شصار برض للغاضريه...صدره رضته خيول آل أميه

الله.. اللهُ أكبر ذبحوا ﮔباله بنينه ... الله.. اللهُ أكبر بعده ما وَدع نبينه

ﮔلب الشيعي لجل الآل محزون... من كثر البجي ما ضلت أعيون

بالسم والذبح ماتوا والسجون... يا جرح الكم ويا بلوه لتهون

وذبح الشيعي صارأعله الهويه...لجل الجاه والدنيه الدَنيّه

الله.. اللهُ أكبر وينه مهدينه ولينه... الله.. اللهُ أكبر بعده ما وَدع نبينه