اللهم إجعل محيايَّ محيا محمد

يمن كلشي جعلته إبطوع يمناهم

ما جان الخلق مخلوق لولاهم

دعيتك بالحشر تحشرني وياهم

بموتتهم أموت و أحيه محياهم

أقسمتُ بمن لو ما وجدوا ما كنتَ تُعبد

اللهم إجعل محيايَّ محيا محمد

بيعه و من دماء الحب كتبناها

بس عترة رسول الله إنتخبناها

أمواج الفتن ما يوم هبناها

لأن شيعه و سفنيتهم ركبناها

و إذا سرنا بهذا المركب للعرشِ نصعد

اللهم إجعل محيايَّ محيا محمد

بولايتهم إله الكون علانه

و سبحانه الذي شرفنه سبحانه

ما نخسر أبد و إتخيب رجوانه

و علي الكرار دنيه و آخره إويانه

بعليٍ قد همنا عشقاً يا ربي فإشهد

اللهم إجعل محيايَّ محيا محمد

يمن بولاية العتره إرفعت راسي

و صاروا لي بأبي و أمي و هلي و ناسي

رجيتك يالعليم إبسري و إحساسي

يحضرني الحسين بآخر أنفاسي

من يحضرهُ السبطُ الأكرم يبقى مُخلد

اللهم إجعل محيايَّ محيا محمد