مجنون ما أفارق دربك...مجنون يا حسين إبحبك

يا من إلك واجب صبح إيابي...و إعليك باجر بالحشر حسابي

يسألني منكر و أعلن بجوابي ...إنتي صلاتي و قبلتي و كتابي

مجنون خدمتك نوماسي...مجنون بيها رافعي راسي

يا عاذلي أدري الدمع يجيدك ...الموت آنه لا تجيني بيدك

ويه حسين خلني و إنت وي يزيدك...خل صاحبك يوم الحشر يفيدك

مجنون لا تقرب صوبي...مجنون خلني وي محبوبي

من عندي إسمع جملتي المفيده...و إحسب كلامي فتوه مو قصيده

عدنه الحسين إيساوي العقيده...و اللي يفكر لمسه نقطع إيده

مجنون إحذر إتمس ثاري...مجنون لا تحرقك ناري

يالإسمك بأول نفس لفظته ...وافق دليلي و عقلي من عرفته

ماخذ على نفسي عهد حفظته ...مثل الصلاة الواجبه فرضته

مجنون هالبشر سموني...مجنون و أفتخر بجنوني

و باجر إذا رد موسم الزياره...إتشوف المحب من يعتني المزاره

بيمينه شايل رايه و بيساره ...يلطم على صدره بدمع تجاره

مجنون و بطريق الجنه...مجنون الكربله نتعنه