طبعي كربلائي...و إستمع ندائي

للموت... و أفتخر خادم يسموني

للموت ...كربله شايلها بعيوني

شرف خدمة حسين أفتخر بيها

أظل صاحب رساله و كون أديها

أنا الخط الشعاير روحي أفديها

شعايرنه أبد لا تقرب إعليها

أكتب بدمائي...عاشق و فدائي

يحسين... ما أرد رغم اليعادوني

للموت... كربله شايلها بعيون

إذا أسمع نداء الأربعينيه

تشب نار التحدي إعله الوهابيه

هتاف الشيعه يا حيدر فدائيه

حسينيه حسينيه حسينيه

نقسم إبشرفنه ...نوصل الهدفنه

هيهات ...ما خفت من اليفجروني

للموت... كربله شايلها بعيون

شفت دمعة رقيه أسمع إحجايه

سبعة أنعام من عندكم يوفايه

شفت أم البنين الشايله الرايه

و أشاهد فاطمه و المهدي مشايه

شيعتي وفيتوا...عالوعد إجيتوا

أحرار... و النعم يالما نسيتوني

للموت ...كربله شايلها بعيوني

شفت ويانه رمله بيدها الشمعه

تباوع عالشباب و تهمل الدمعه

علي إوياكم و هي منفجعه

تنوح إويه الشباب و تلطم و تنعه

ربي يسر إلهم ...ردهم الأهلهم

جسام... فرحتي إبوجهك يذكروني

للموت... كربله شايلها بعيوني

أمر من فاطمه و الدمعه تجريها

رقيه إتسجل الأطفال خليها

إذا شافت يتيمه تركض إعليها

تساعدها و تواسيها و تسليها

دمعة اليتيمه ...ترسم الهضيمه

يا ريت... دمعتج بيها يغسلوني

للموت ...كربله شايلها بعيوني

أنا الهاي الزياره أي ثمن أدفع

إذا كل ساعه أموت و جسمي يتقطع

يحرقوني عدل و إسنين أتلوع

و حق نحرك يبو السجاد ما أرجع

كل خصم أقله ...إله امشي إله

مشاي ...مقتنع خليني بجنوني

للموت... كربله شايلها بعيوني

أنا شيعي و موالي أنصر العتره

مشيت و خطوتي تسبيحة الزهره

وره ميت بحر لو ينوضع قبره

إذا جسمي تعب من جسمي أتبره

كاتب الوصيه...رايد المنيه

هالصوت... يا علي خلهم يسمعوني

للموت كربله شايلها بعيوني