يهل تنشد عليَّ و تسأل آنه من إنين ابن عباس آني و آني ابن حسين

أنا وفاي وعدي و ما عرفت أعذار وجه واحد إلي و ما إلي وجهين

رافع راية الكرار بالساحات و لا طاحت الرايه إبوقعة الجفين

مثل شطرة علي مره كلامي إيصير بس مره أقول و ما قلت مرتين

أنا علمت الطغاة إدروس من حبيت بقيت آنا الملك و إعداي راحو وين

العالم من أسولف يقطع الأنفاس حته إبسكوتي سكتتي إبسيفين

أسافر وين أسافر كربلاء وياي صورة كربله مطبوعه وسط العين

إذا وحدي أظل أنصب عزاء حسين و لا طخيت راسي إشما يجور البين

إذا أصيحن علي يركع إليَّ الكون عدوي إيبوس رجلي لو صحت يحسين

علمني الحسين إشلون أعيش دوم ملك و أبقه ملك مهيوب بالدارين

تظل محروسه تربة كربله إبعباس حاضنها الكفيل إبهيبة الجفين

دمع زينب يظل وسط الضماير آه كل دمعه إبجرح و إعتابها إبجرحين