عاهدنه إبدمعات العين هيهات إنعوفك يحسين
من عالم الدر سيدي بايعناك اليوم الحشر هيهات نترك مسراك
بالقلب تعلم و الضمير إشناداك ننساك لتظن لحظه نقدر ننساك
يا من بنيت أعظم مجد من إدماك إعطف علينه بالدمع نترجاك
سهم الهجر جانه من إنين هيهات إنعوفك يحسين
يحسين نورت البشر بأنوارك ما أظن واحد يوصل الأسرارك
كل نار تخمد ما بقت بس نارك إيخمدها سيف اللي يطالب ثارك
يا وسفه ما حصلنه إستنصارك هاليوم إجينه نعمل بأفكارك
هذا العهد أصبح ديّن هيهات إنعوفك يحسين
يا ناس غير المعتقد ما عدنه نهج الولايه لازم إيوحدنه
إبزود الوعي هذا الدهر خلدنه لنخلي أفكار العده إتعددنه
العالم بأسره اليوم أصبح ضدنه هاليوم لازم نحتفي بقائدنه
إحنه إبحبك مشغوفين هيهات إنعوفك يحسينعاهدنه إبدمعات العين
13
سطرًاقصائد قريبة من الجو نفسه
