حيدر حيدر حيدر حيدر نتطبر بإسمك نتطبر

ما نقدر نصبر ما نقدر إبفكرة غيرك ما نتأثر

لو كل الناس إيعادونه عنك هيهات إيحجبونه

نهتف بإسمك و يسمعونه نضرب قامه و ما يهمونه

نتحده للي يتهمونه عنك نتنازل يردونه

إنت الحق و غيرك منكر مهما عملوا ما نتغير

هاي الأرواح إنضحيها و إدموم الأجلك نجريها

هاي الأجفان إمفصليها إنوقعها إبدمنه و نمضيها

و هاي القامات إملوحيها تعرفنه الدنيه و ما بيها

إحنه إفروعك و إنت المصدر ما نتراجع لو نتوذر

صرخات و بالدم نرفعها و اللي ما سامع يسمعها

بيعتنه إبدمنه إنوقعها و إجروح الروس إنوسعها

و العدوانك منطاوعها قامات إبجفنه إنشرعها

نلبس أجفان و نتحضر لمصاب أولادك نتذكر

ما ننسه حسين و لا يومه باجر دمنه إيواسي إدمومه

و اللي يرخص دم لتلومه نكشف غايتنه المكتومه

هاي الأرواح المهضومه ما ننسه الزهره المظلومه

و الضلع البلباب إتكسر لجله الدم باجر يتنثر

رغم المغرور بأيامه إنقدم دمنه و نضرب قامه

إنواسي العباس و آلامه و العامود الصوب هامه

رغم النيران اللي تسعر رغم السلبوا خدر الخدر

فتوتنه ابهالدم تتسجل لا تتغير لا تتأول

يالتنكر فكرتنه و تجهل من محمل زينب روح إسأل

يا راس إتصوب بالمحمل و إحنه إبزينب خل نتمثل

نصرخ بالدمعه التتفجر عن هالواجب ما نتأخر