غدرتيني ...يدنيه إشقد ...غدرتيني

يدنيه الخاطره مكسور صعب ما ينجبر كسره

هالليله يعود إوياي كسر ضلع أمي الزهره

و مثلما صار بالمحراب إبعلي و الهامه و الطبره

يدنيه إنتي فجعتيني حزين و أجذب الحسره

تذكريني تذكريني...بالمصايب تذكريني

علي يا حاضر الشدات عن طف كربله وينك

أريدك حاضر الليله بيدك تدفن إحسينك

أنا السجاد و أترجاك أريدك تنظر إبعينك

كسروا خاطري الظلام و أسمع بالغري إونينه

يواسيني يواسيني... أبو الحسنين يواسيني

إشحال الشافت الوالي جتيل إمسلب و مذبوح

ما يصلح عليها اللوم لون نوح الحمام إتنوح

تصد بالعين يم حسين و على جسمه تون الروح

تشوف إجفوف أبو فاضل و جسمه إبكل كتر مجروح

تلوميني تلوميني...يدنيه لا تلوميني

أويلي عمتي زينب إمسلب جثته شافت

عافت جسمه عالغبره و إبصوت الحزن صاحت

صاحت ريت أخذني الموت يخويه هيبتي طاحت

المحد شاهد إلها إخيال وي أهل الكفر راحت

تصبريني تصبريني...يدنيه لا تصبريني