آه يا أم البنين الما درت...بالأربعه الجاهدت ما قصرت

أجسامها إبدم النحور إتعفرت ...قبل نحر حسين تنطي إنحورها

زينب إتسولف لعد أم البنين...من تجي إمن اليسر بأطفال الحسين

الأم و لا تسأل الأولاد وين...تسأل إعله حسين قبل إبدورها

خل تسولف زينب إبحرقه و ألم ...عن أبو فاضل و جوده و العلم

جان سور و داير إبكل الخيم...الخيم راحت حين فقدت سورها

إتقول زينب عقبه راحت عزتي...و جان ناصب خيمته يم خيمتي

صاغي سمعه إلي و يسمع جلمتي ...و عينه ترعه العائله و إخدورها