نامت عينك سهرت عيني...نامت عينك سهرت عيني

عباس إتناديك إبحسره...زينب زينب هاي الكبره

هاي أم الأخوه المنتظره...واحد منكم حته إتخبره

إتناديك إقعد لي و حاجيني...نامت عينك سهرت عيني

جفنك نام إبسهم الرامي...و جفني سهران بالآمي

حرقوا يا عباس إخيامي...و إنشدني إشصار بأيامي

إخلافك يا خويه إميسريني...نامت عينك سهرت عيني

حقك ما تدري و لو تدري...ما جان إعليه الهم يجري

لا ذيج الهيبه و لا خدري...إتبدل خويه إخلافك دهري

كل يوم إمصاب إيراويني...نامت عينك سهرت عيني

آنه الجنت إبهيبة حيدر...و بهيبتكم خدري إمسور

إتغير ذاك الحال إتغير...من جان إمفكر أتيسر

و جتالك عقبك يوليني...نامت عينك سهرت عيني

آنه التدري الوادم بيه ...ما شبحت كل عين إعليه

لني مسلوبه و مسبيه...و عين الشامت تنظر ليه

خويه إبديوان إمخليني...نامت عينك سهرت عيني

يعرض راس حسين إقبالي...و متشمت يا خويه إبحالي

حرمه إقباله و راح الوالي...آه من الدنيه إشهالتالي

ظليت أذكر ذيج إسنيني...نامت عينك سهرت عيني

إتعود إسنيني إبذيج إسنينك...هيهات إتعود إنت وينك

الدمعه إبجفني و سهم إبعينك ...هيهات إترد لك جفينك

و إتعود إردود إتباريني...نامت عينك سهرت عيني

إجفوف الرفعت راية هاشم ...و بيها الجود و ذاك الصارم

راحت تالي إتشوف الوادم...أتعذب بجفوف الظالم

ما شاف إجفوف إتحاميني...نامت عينك سهرت عيني