أبو فاضل ينادي و زينب التسمع على الناقه يقلها المحمل إتربع

إطلعي إبشيمت العباس أخو زينب إطلعي إبجفي سيفي إبجفي المجرب

يفكر لحظه يمج يالإخت يقرب أخطفه و يمج إبخطافي يتوزع

أخطفه و اليلوم إيلوم بس نفسه و أسجده و إبسجوده ينخمد حسه

و أخلي سيفي بالفقار يتأسه لخليه إبنجيع القوم يتنكع

يتنكع و لا خليه يتصده و إرقاب الغليظه الشفرته إتحده

يريد أكثر و أقله إبهونك إتهده يسيفي إشمالك إرضه إبقسمتك و إقنع

يخاطبني يقلي يا ابن حيدر أبوك إبسيفه يا عباس ما صّبر

جتلني العطش بس هدني على المنحر أروي الحد و أرد إمروه و إمشبع

يزينب هذا سيفي و حده يم حدج بعد يا غافل إيفكر يصل يمج

إنفضي إهموم قلبج كلها من صدرج عليمن ليش قلبج خايف إمصدع

إخت عباس إنتي و إبحمه عباس إلج فدوه أروحن يا أعز الناس

لخلي كربله سالوفه بين الناس و أخلي آل أميه إتقبل المصرع