ياللي رحت للمشرعه عود علينه ظلت مهج متروعه عود علينه

لمن رحت يا با الفضل و الخبر عندك هاي القلوب الضاميه تنتظر وعدك

خليت هاي العايله إبيا وضع بعدك عفت الرضيع البلمهد مشبوحه عينه

أم الطفل شتكلمه و الفكر يمك ساعه و يجي من النهر يا طفلي عمك

مثلك إسكينه تنتظر همها إعله همك حالك يعبدالله مثل حالة إسكينه

إختك قلبها ابهالعطش مثلك تصدع و الفرق بس إنت طفل تصرخ متهجع

لا ماي يبني و لا ثدي اللي منه ترضع و الأمل يم عمك غده ساعه و يجينه

و هاي الأطفال ابهالوضع كلها بلا راي ميفكرون إله يجي العم تشرب الماي

كل طفل إتذوبت من جمرة إضماي عمنه أخذ جوده و بعد ما رجع لينه

إتقوم الأطفال ابهالضمه للوالد حسين ظنت الماي إتحصله يتحصل إمنين

إتايس و تالي إتناشد راعي العلم وين للنهر راح و ما رجع حامي الضعينه