إبدم النحور عهدنه إنوقعه عينك إسيوف تظل إمشرعه

خليها بعداك تحل القارعه عون الله بحماك نخوض الملحمه

يا رفعة الراس إلك نقسم قسم بجفوف العباس إذا رف العلم

لو يرتفع صوت يحي الله الزلم نطلع سراياك غضب عالظالمه

عمار هليل الواسطي

راس و يطق راس نحير هالعده بالمهرب إتحير لو يعله النده

لو عدها خيّال يطيع مشرده تتفايض أنهار غضب و إتصب دمه

عالعاشر إشهود نخليها المله نذكرها بمجاد علي عقد الوله

ابصولتنه يحسين نزلزل كربله متهمنه إعداك و لا حر الضمه

باب الأجل لاح لميه منظره أنصارك انصار يروح الطاهره

مو كربله إتصير نرجع خيبره درب البطولات أملنه بمقدمه

نرخص لك أرواح وفه و بينه طبع ثارات ثارات نردها ابهالجمع

من طبرة الحيد لعد كسر الضلع و الله و الله ما ننسه فاطمه

ما ننسه ثارات علي و أم الحسن و النصرة الدين إجينه الهالوطن

وياك وياك تنصرك كل زمن كل غالي يحسين بيدينه إنقدمه