يا ذخر خواني... أرد أطب ميداني

يالله شدوا إحزام... الأكبر و جسام

أرد أطب ميداني... أرد أطب ميداني

يالله يا إليوث الهواشم يومكم... حيدر

يالله فيضوا هالحريبه إبزودكم ... حيدر

و كون يقضي يا زلم ملزومكم ... حيدر

قوموا بين حسين بينوا إعزومكم... حيدر

القمر و إنجومه ...نظروا إعله الحومه

مهر أبو اليمه ...هوسوا يمه

أرد أطب ميداني... أرد أطب ميداني

إتباشروا عالحومه فرسان النضال... حيدر

و بيهم العباس إيقسم للقتال... حيدر

الأكبر إبدستوره صوب اليمنه صال... حيدر

و عاليسار القاسم إبعدوانه جال... حيدر

صاحوا إعله القوم...الوعد هاليوم

و اللي قال آنه...يطلع إويانه

أرد أطب ميداني... أرد أطب ميداني

وقفت آلالاف الصفوف إقباله ... حيدر

عدل نعله القاسم و ما باله... حيدر

يعني ما عد الزلم بنعاله... حيدر

و قام سيفه يمطر بآجاله ... حيدر

صاحت العدوان...هذا يا ريسان

الأكبر النشمي...صاح ابن عمي

أرد أطب ميداني... أرد أطب ميداني

ظفروا إجعود الرماح المشرعه ... حيدر

و جابوا الحومه عروس إمقبعه... حيدر

يم أبو فاضل تثني إمفرعه... حيدر

و صارت الزفه إعله روق المشرعه ... حيدر

لوح الرايه...بالمسنايه

و الفرات إبروس...طمه من الشوس

أرد أطب ميداني... أرد أطب ميداني

القمر و إنجومه ضووا بالفخر... حيدر

خلوا آثار الحرب للمنتظر... حيدر

و طفحت هالقاع من دم الحمر... حيدر

ووصل حد النجف عباس القمر... حيدر

من وصل زوده...يم قبر عوده

قله يا حيدر...راضي لو أكثر

أرد أطب ميداني... أرد أطب ميداني