يا ثار البعد تنتظره يالموعود و إحنه الحضرتك شيمه و خدم و إجنود

بعد ما ظل صبر يالمهدي بالجلمود إنت البلعدل هالدنيه تمليها

إنكسر ضلع الزجيه سيدي بالباب و طبروا حيدرك و الشاهد المحراب

و بجبد الحسن ما تدري لمن غاب ما ظل شيعتك ذرة صبر بيها

عباس البطل قطعوا جفينه حسين إبكربله حرقوا صواوينه

صاح إبصوت عالي المنتظر وينه مو كل الأمم يبست شواطيها

حقد أهل الدجل ظلوا يكفرونه ننسه حب علي الكرار يردونه

و ما قدروا يبو صالح يغيرونه و تعله إشما علت فوقك معاليها

يبن فارس بدر حيدر علي الكرار يمته إتجرد إبوجه العده الفقار

و إتصيح ابعلات الصوت وين الثار و صولات الوصي يمته تراويها

يمته للعوالم ترجع الآمال و ما يربح يغايب كل دجّال

إنت التحدي بينه مو ألف جمّال و راية حيدره إبجفك تعليها

متنه امن الصبر يبن الحسن يا يوم إبسيفك عالعده يالمهدي يمته إتقوم

يهتف جم يتيم الليله جم مظلوم تتنطر طلعتك و إنت تدريها