هية كلمة ولا بعد ما عيدها ... جنه ما بيها علي ماريدها

شوفتك يابا الحسن ... احله من جنة عدن

أبوسط عيني علي رسمك يعيش...حتى عيني بهاي عيني شافته

ولو نطق بسمك يبو حسين اللسان...اقصد الساني وابوسه ابشفته

لأن بي آنا علي ... صرت دوم اشتاگ الي

اكتب حروفك علي وتطلع جبال...وصورتك لمن اگابلها أحير

انت بالصوره واحس بالك بعيد...يمكن اتفكر يبو حسين إبفقير

كلشي چفك ما مّلك ... حتى بالك مو الك

من تجي إبالي احس بأغرب شعور...وتنظر اعليه اشوفن نظرتي

من كثر شوگي الك يابو الحسين...ادخل إبالي ردت من لهفتي

لگعد ابالي انتظر ... بلكت اعليه تمر

والله مو توني ولا عاشگ جديد...ولا زمن يربطني بيك ولا مكان

يعني مو عجبه يمولاي امن گول...انا گبل انا احبك من زمان

يعني گبلي إبچم سنه... ياعلي واهواك آنه