جننت قلبي بهواك...نبضه ما حن لسواك

يا قلب قلت له أهوه غيره...هم صفن بيك وهواك

يا علي يا علي يا علي

قلبي يا حيدر أسيرك...كل كيانه ابين ايديك

عنك شما يبعدوني...اترك الدنيا او أجيك

قلبي مرسوم اعله بابك...ينسه روحه ويعتنيك

يا علي شلون اعتنيلك...واشتكي لقلبك عليك

ارسم بماي الدموع...صورتك فوق الضوع

عاشق وراضي بمصيره...روحي ما احبه بغلاك

يا علي يا علي يا علي

عاشقك موت و غرامه ...حارم إعيون المنام

لو قصد حضرة حبيبه... يسكت إلسان الكلام

يوقف إلسانه إبضريحه... و أخرس إيصير السلام

هذا قلب العده شوقه... من كثر حمل الغرام

إنت يا أجمل حبيب...جرحي لو شافك يطيب

عطرك إيجنن عبيره...روحي يا حيدر فداك

يا علي يا علي يا علي

يا علي اببابك عيوني...مو دمع يجرن عيون

لو دموع اتهل جفوني...بيدي اخيط هالجفون

يا عمر لا ما اريده...عمري لعيونك يهون

عمري اشك اسنينه بيدي...واحرق اوراق الضنون

جنه حبك بيك اتوب...لو ذنب اهوى الذنوب

متهم حاكم ضميره...قرر إعدامه بجفاك

يا علي يا علي يا علي

يقتل إجروح العشاقه... و إنت حبك سلسبيل

يا عبير الجنه غيرك ...ما نبض قلب الخليل

أعتني السجت غرامك ...وين أصير و ما أميل

طالب إمرادي إبضريجك...عاشق و عندك دخيل

عيني لبست لك سواد...قعدت إبباب المراد

عيني صارت لك أسيره...نجمه مسجونه إبسماك

يا علي يا علي يا علي