روحي ...مشتاقه و إبعيد الدرب ...روحي

و الينتظر ليله صعب... روحي

و أحبابي بديار الغرب... روحي

ليلة الغربه طويله و إنتظرنه و إنتظرنه... ها يروحي

شوفة الأحباب صارت صعبه صعبه و ما قدرنه ... ها يروحي

أنظر إقبور الأيمه هدموها مل صبرنه... ها يروحي

غربه ... و العايش إبغربه يحن ... غربه

طبع الفقد أهله يون... غربه

و الفاقد إيعيش إبرعب... روحي

للبقيع اليمشي يشعر بالظلامه و المصايب... عالائمه

يكشف أصحاب الضلاله يا حقدهم هالنواصب... عالائمه

يا وكت يجمعنه يمهم و المآتم و المواكب... عالائمه

يمته ... نوصلهم و ندمي الصدر... يمته

الكل واحد إنشيد قبر ... يمته

غايبنه يرجع عن قرب ... روحي

أسمع الزهره الزجيه من تنادي كل مسيه ... يا هضيمه

من يواسيني يشيعه ابهالمصيبه و هالرزيه ... يا هضيمه

للبقيع أتعنه مره مره يم الغاضريه... يا هضيمه

أنحب تبقه المدامع هامله... أنحب

بين البقيع و كربله... أنحب

عالمشرعه دمعي يصب ... روحي

الحسن قبره من أشوفه يجري دمعي يجري من دم... آه يدنيه

إنهدم قلبي يدنيه ويه قبره من تهدم ... آه يدنيه

و النواصب ما كفاهم من تقطع جبده بالسم... آه يدنيه

صوته ... يا شيعه أبقه إبغربتي... صوته

وين اليجي لزيارتي... صوته

أتجرع الغربه صعب... روحي

يم علي السجاد و إبنه أنظر الطف و الحراير... و اليتامه

أسمع أصوات العطاشه و الثكاله إبلايه ناصر ... و اليتامه

و أسمع إبزينب تنادي يا بو فاضل قلبي حاير ... و اليتامه

زينب... نادت يشيال العلم ... زينب

بس العليل إويه الحرم... زينب

و أنظر عضيدك عالترب ... روحي

يا جرح عاش إبدليلي ما تركني لا نساني... و لا نسيته

للبقيع أبعث سلامي و المدامع يا زماني ... و لا نسيته

و الله لو عمري قضيته حسره حسره ما كفاني... و لا نسيته

شمعه... لو أشعل إبقبر الحسن... شمعه

و آنه أشتعل طول الزمن ... شمعه

يم قبره خليت القلب... روحي