سبع القنطره إيسمونك إبزود شبيه العمك الطيار جعفر

و بعد بالمشرعه عندك نياشين إتراب المشرعه ابدمك تعفر

و ندري عالنهر ظلت إجفوفك و ندري الماي من دمك تطهر

بسما جنت أعرفك و إنت مدفون ليش الماي ظل إعليك يفتر

و ليش الماي ظل ابقبرك إيدور و شنهو السبب ما يوقع المرمر

الماي الراكد يسبب روائح و مايك بالضريح يفوح عنبر

إنعرف كل ماي يطلع تحته بنيان لازم ينهدم و آثاره تظهر

و عرفت الماي ليش إيبوس رجليك و ليش إيدور يمك يبن حيدر

لأن إجفوفك إتقطعن عالماي إجاك القبرك الماي ايتعذر