و يريدونه الخلق نحجي إبوصف عباس ...و هو الشعر لو جبنه إسم عباس يتونس

قلنه ما تقمض رادوا التفسير ...و التفسير ذاك إهوا إبضريحه إنكتب و إتكرس

صدق عباس مو معصوم بس... هم ربك من الدنس ما خلاه يتدنس

من ساعة إصياره عرق ينقط ...غيض بس لو بالمهد ينمس

لو قلتوا تقمط كون هم تدرون ...بالله إشلون ما ضهضب و لا عبس

سرها عد علي و بس علي ...يدري ابهاي و هذا السر من الأقدس

قل إلها علي الأم البنين و علماها السر... لو ردتي تقمطينه بس ابهالطريقه و بس

نادي عله زينب لو يناغيه له عضيده حسين... و بقماط الإخوه إتقمطينه ابهالشرط لا بأس

عمي لا تقبل إذا قالوا لك العباس... بفنون الحرب من زغره يتفرس

تراه الكربله بأمر العرش و هو برحم أمه... كل إفنون حيدر للوغه إمدرس