ضامي كهف جودك يبو اليمه ضماني

إرضعت حبك و لا أحسن ضماني

دنيه و آخره إنت ضماني

شفيعي و غايتي يبن الزجيه

الليله إبمولدك هالفاح وردي

و صبح كوثرك يحسين وردي

جسمي ما تمسه النار وردي

تطفي إمحبتك ناري السريه

أروحن فدوه أنا لحسين و لأسمه

مهو أشرف و أعز مخلوق و أسمه

و تربته إبجبهة العشاق وسمه

يعرج بيها للجنه الزهيه

ليالي أعيادنه عادت علينه

و عله الغير بمبادئنه علينه

ابشهر شعبان و أفراحه علينه

نهني المصطفه سيد البريه

يبو اليمه الجسد صوبك لوجهه

و روحي شمعة بأفراحك لوجهه

و أقله الحيدر إقبلها لوجهه

حبيبي و مولده إبهاي المسيه