ما أنصف إوياها البين ...حسرتها و إدموع العين

تنطيك الأخبار...مطفيه الأنوار

أشرف ابيوت انعرفة إبمظهرها...من كل رجس رب البشر طهرها

مهد العلم يبقه العلم مصدرها...و ماضيها مرسوم إبوجه حاضرها

الكل زمن منهال...و يغدي الأجيال

مهبط الوحي الرحمان...قبله و تشع بالإيمان

و الزمن غدار...مطفيه الأنوار

سيد الرسل ما تنوصف شخصيته...جبريل يتمنه الخدامه إبيته

طول الزمن تارك أثر تربيته...و هذا الأثر متجسد إبدريته

و الهادي من غاب...عاشوا بالمصاب

تتهاوه للقاع إنجوم ...بين الذبح و المسموم

من فعل الأشرار...مطفيه الأنوار

و الدخلت الدين إبعدم رغبتها...جهلت وصيت المصطفه و نكرتها

و ذيج السقيفه الحاقده العقدتها...وش رادت اللي طلعت ابناقتها

جان إبدمعها...و نعرف طبعها

تشتكي الطلحه و مروان...إتطالب علي إبدم عثمان

و الرادته صار...مطفيه الأنوار

و شنسه من حكم آل أميه و حقده ...لا ضيم و إثنين و سهل و إنعده

إويا شجح يشفه لو نريد إنضمده ...كسر الضلع للقلب جرحه إتعده

جم ألم شفناه ...يردونه ننساه

و إشلون ننسه الطشتين...جبد الحسن راس حسين

للحزن تذكار...مطفيه الأنوار

و إبمثل هاي الليله يا بدر غاب...باقر علم آل الرسول الأطياب

من زغر سنه بالحزن قلبه إنصاب...شاهد مصايب كربله و جم إمصاب

و إتعنه للشام...وي ضعن الأيتام

إيعاين أبوه السجاد...باليسر مجتوف إنقاد

و إيدير الأنظار...مطفيه الأنوار

ويه المحن قضه بو الصادق عمره ...ضيم السبي و فقد الأبو جم حسره

و من بعد ما شاهد ثباته و صبره ...تالي هشام إبكل شراسه إيغدره

و من بعد الهموم...لن جبده مسموم

بيت اليشع ابعلمه...هالليله وحشه و ظلمه

و لليوم الآثار...مطفيه الأنوار

هاي النوايب رافقتنه الهاليوم...إلتمت حزنها و قامت إعلينه إتحوم

راح الذي يتناشد اعله المحروم...راح الذي يشعر إبضيم المظلوم

من بعد الوداع...كل الأمل ضاع

راح اليباري الأيتام...و إبداره تشفه الالام

و لو تصد عالثار...مطفيه الأنوار