هذا ندائي... علي....إلك ولائي...علي

دنيتي و ديني حيدر إمامي

إنت إيماني و روحي و حياتي...إنت محرابي و صومي و صلاتي

حبك الطاهر يضمن نجاتي...حلم خليتك بين أمنياتي

آنه أحبك في جنوني...و العواذل يحسدوني

سر المعالي ...علي ...يا أغله غالي...علي

نبعك الصافي قبلة غرامي...دنيتي و ديني حيدر إمامي

هذا تفكيري و محد يغيره ...شنهو وهابي و حاقد يكفره

علي قرآني و يا هو اليفسره...إحروفه قدسيه و معناها ثوره

إنت أقرب من وريدي...بإسمك أهتف يا نشيدي

تاج الإمامه ...علي ...درب السلامه... علي

و يا علي و إسمك الإسامي...دنيتي و ديني حيدر إمامي

هيمي يا روحي إبنور الهدايه ...يا نفس ذوبي ابحب الولايه

نبقه يا حيدر حد النهايه ...و الزمن لابد يحجي الروايه

يسري حبك بالخلايه...آيه تنبض فوق آيه

إنت الوسيله... علي ...حامي دخيله...علي

و ريتك إتشاهد شوقي و هيامي...دنيتي و ديني حيدر إمامي

علي محبوبي إبروحي شريته...كل محب لمن تقرب منيته

يمه دفنوني إيقول بوصيته...يا من الشيعي إينام إبثنيته

علي يبقه آيه كبره...و ردت قبري إبكتر قبره

هذي وصيتي... علي...ساعة منيتي... علي

من يدفنوني حيدر مرامي...دنيتي و ديني حيدر إمامي