خلها تمسح فاطمه إدموع اليتامه

لا تجافينه ...هون إعلينه

آه يا ليل الهجر لا طلع فجر إلك

ليلة ما تنوصف بيها ينعه الملك

هون و إنتظر بالموادع شلك

هذي قصة حزن بيها دار الفلك

من إنين أجيب الصبر قلي من إنين أجيبه

باجر إتفارقني و إتروح الحبيبه

من يمر بينه ...هون إعلينه

زينب ابيا دمع نجمك إتسايله

الليلة شافت جرح منك العايله

خلي أم الخدر عندك إمدلله

تدري ضيم القلب ضمته الكربله

باجر الحره تنوح إعله الشريعه

يم إخوها إتقبل إجفوفه القطيعه

إتنادي والينه ...هون إعلينه

هذا ليلك بده بالحزن و السهر

و تدري بأم الحسن ضلع منها إنكسر

ما أظن للهجر يكفي ماي النظر

صوباني الزمن و شفت ضيم و قهر

آنه زينب و العقيله الفاطميه

بجت ويايه السمه و لطمت عليه

الهجر ياذينه ...هون إعلينه

ودعيت الأمل و عشت بالنايبه

ردت وي فاطمه أوفي حق الربه

آنه أم الخدر بالوفه إمحجبه

و باجر إعله الهزل حرمه متسلبه

إنشد إدروب اليسر تعرف دمعتي

و لا تقلي يالعقيله إشقد سهرتي

لا تخلينه ...هون إعلينه

من يلوح الفجر تنكتب قصتي

الليله ويه النجم سولفت حيرتي

شحجي و بكربله إتروح كل إخوتي

إيطيح راعي العلم و تنسبي عيلتي

وين أروح و عالنهر عباس أشوفه

هذا خويه و بالغصب تدرون أعوفه

عقب جفينه ...هون إعلينه

أختم إبيا دمع ما رحمني الزمن

و عيني عقب الأهل جذب شافت وسن

باليسر دمعتي تحدي بأشرف ضعن

و الأشد كربله شفت بيها المحن

عذبتني كربله و صابت دليلي

و آنه زينب حقي لو ما نمت ليلي

وين أهالينه ...هون إعلينه