السماء انفطرت ...و النجوم انكدرت ... حينما غاب الحسين

العالم تغير مداره و أضحت الدنيا مظلمة

نزل جبرائيل ينعى وينظر إلى حال أبو اليمة

مثل ما هز بايده مهده حضر بالميلاد يمه

الليلة حضر بالطف لكن شافه متغسل بدمه

كوكب فوق الثرى ... أم حسين بالعرى ... وقطيع الودجين

الك انقل ثاني مشهد ترك بالدلال جمرة

نزل يم حسين فطرس يجري دمعاته وينظره

نشر بالمصرع جناحه بدا يمسح بنحره

رايد يجازي ويعوض فضل الريحانة الزهراء

صاح والدمع همى ... يا خضيبا بالدمى ... أنت نور الخافقين

أهوى جسم حسين دامي طاحت الأملاك سجد

كل نبي و مرسل الليلة حضر ويشاهد المشهد

و الأشد و أعظم و أصعب من حضر عنده محمد

صبغ وجهه بدم وريده و بكثر جسمه توسد

صاح و الجسم ندي ... ولدي يا ولدي ... أين ذاك الرأس أين

نهض من يمه محمد قعد يم الجسد حيدر

شاهد بلا راس جسمه من ثرى المصرع تعفر

نوبه من صدره يشمه و نوبه من فوهة المنحر

لما يسمع صوت مدمي من وريد حسين يظهر

ابتي هذا أنا ...مزقوني بالقنى ... و أنا ابن القبلتين

نوبة جت فاطمة تنادي غير العالم وضعها

انحنت فوق ضلوع صدره ناحت و لزمت ضلعها

شمته بقطعة وريده و مزجت دمومه بدمها

تنادي من إلي حز وريدك رقبتك منهو إلي قطعها

يا نار الأضلعِ ... خذ دماء الأدمعِ ...بعدما كان لُجين

انحنى و يم الجسد أمه و والده و الهادي جده

على السبت يجري دمعهم لأن أخوه الحسن عنده

يقلب المظلوم بايده يدور على صواب جبده

ينادي يا زهرة حياتي يا جرح منك أشده

دمعي الغالي جرى ... كي أواسي المنحرا ... و بكتك كل عين

راحت الزهراء ويا أبوها و حيدر و يمه الحسن ينحب

توجه يم المخيم شافوا أم الحزن زينب

حايرة بدمع اليتامى و الخدر منها تسلب

سمعوا الأطفال تصرخ و الخيم بالنار تلهب

و دموع ساكبة ...من جفون دائبة ... بشجون و أنين