وين قبرك يبو فاضل الكربله جبت الأرامل

يبو فاضل يا ولينه عالقبر من يدلينه

إمن اليسر هاليوم جينه و الدمع من عيني سايل

خويه قالوا عالشريعه نايم إجفوفك قطيعه

جيتك أطوي إبهالوسيعه جسمي يا عباس ناحل

قوم يا خويه إجيتك الكربله إبهمي إتعنيتك

بالقبر نايم لقيتك وين جا ذيج المراجل

صرت أنادي يا جفيلي هدمت يا خويه حيلي

اتقطع إبفقدك دليلي من عفتني إويه الأراذل

إوياك إجيت إمن المدينه و إكفلت إنت الضعينه

ورايتك ترفل علينه و إنت شديت المحامل

إشعملت العدوان بيه من طحت بالطف رميه

شفت يا خويه المنيه شمتت بيه العواذل