نناديك إبدمع جاري يحامي الجار نعزيك بمصاب المصطفه المختار

انصيح إبحسره حيدر حيدر يا والينه نجري العبره حيدر حيدر يا والينه

نعزيك بمصاب الما مثيله إمصاب من عيناك يا حيدر محمد غاب

إمصاب إمجيد قلبك يا والينه إنصاب لا طالت يريت إبغيبته الأعمار

يحيدر غاب هادي الأمه من عينك بعده إشلون تقضي يا علي إسنينك

عله إمصابه محنته يا هو اليعينك بعده يا مصيبه إتشوف يا كرار

يا كرار مات المصطفه إبحجرك و فقده يا علي هو الكسر ظهرك

إشلون إتعيش بعده وي محن دهرك و إلمن تشكي همك لو زمانك جار

جار و ما بعد ينفع وسف عالراح بعد روحه يريت إتروح هالأرواح

عمد عمرك يحيدر هالمسيه طاح أبو الزهره و مصابه حير الأفكار

الأفكار بغيابه إندهلت و كلت هذي يا مصيبه بأمته حلت

عظمت هالرزيه يا علي و جلت بالأكوان ما ندري إشجره وشصار

وشصار بدموعك حين غسلته و لفيته إبحنانك و إنت جفنته

و بروحك دفنته و بيها لفيته و دلالك يحيدر ملتهب بالنار