صلي على محمد... ابمولد الهادي أحمد

صلوا على خير الرسل رب الجلاله أوصانه

يالبيه جبريل إبتشر ويه العرش و أركانه

يالمولده هدم ملك طاغي العصر و إيوانه

و إنطفت نيران الحقد من نوره شع بسمانه

قلبي الموالي أنشد ...صلي على محمد

بارينه كون هالأرض و بأمره منه إدحاها

و إسهول سواها و جبل و ابحار بيده إجراها

كون سماواته سبع و إعله الأرض علاها

مخصوص لجلك سيدي رب العرش سواها

رضوان ناده و أنشد ...صلي على محمد

للباري لمن أوصلت قوسين فاصل و أدنه

يا نبي خصه إبهالأمر من عرشه يقدر يدنه

محبوب عنده و المحب ينطيه إشما يتمنه

سلمك يا سيد الرسل مفتاح باب الجنه

طير السعاده غرد ...صلي على محمد

تمم صلاتك عالنبي إبذكر الصميده و آله

و اللي صلاته ناقصه باجر تشوف أحواله

ما تعبر إصراطه أبد إلا بعلي و إعياله

و دين العليه تسدد ...صلي على محمد

نتمسك إحنه بالنبي ويه الوصي و أولاده

حب فاطمه يوم الحشر بارينه يرضي إعباده

و البايعك يا با الحسن بالجنه يلقه إمراده

هالخمسه أصحاب الكسه الرحمان بيهم ناده

و الكون أزهه ورد ...صلي على محمد