يحسين إوياك إتعاهدنه يحسين إوياك إتعاهدنه

عهد إرجال الما تتغير و بفكر الظالم تتأثر

ربانه و علمنه المنظر فكرك نهجك يا قائدنه

منك يحسين إتعلمنه و نذكر دمك نرخص دمنه

و للذل ما يوم إستسلمنه و عالعز يحسين إتعودنه

يحسين الأم الرضعتنه حبك أفكارك غذتنه

و إكبرنه و كبرت عزتنه و هذا الموقف من مولدنه

و إشلون إنوصف لك حبنه و بمنهاجك شمعه و دبنه

و إنحس إبصوتك ينذبنه و بأخذ الثار يناشدنه

و إنشوفك يا أشرف ثائر وجه الماضي ووجه الحاضر

يا صوت الوجدان الهادر و دوم إويه الإحساس إيشدنه

رغم الغربه إنعيش إبقربك و إنقص جذم الزل عن دربك

سلم السلمك حرب الحربك و محد يقدر يستعبدنه

يحسين إيظل ذكرك خالد رغم الظالم رغم الحاقد

و درب الطف لليوم الشاهد و لا خوف و لا موت الردنه

كل عام إيمر و أنصارك تتكاثر تقصد زوارك

متحزمه إبعزمك و أفكارك و إتصيح إنضحي اشما عدنه