زينب عله التل نادتك... يا حسين يا حسين
فوق المهر ما شافتك... يا حسين يا حسين
ما سمعت إجواب... يا أكبر إمصاب
يا حسين يا حسين
من أيست يرجع إخوها الداره
ركضت عليه رادت تشوف أخباره
لن الشمر يمه و لزم بتاره
وين العشيره ووينهم أنصاره
صاحت يبو الأكبر طحت... يا حسين يا حسين
و إشلون من زينب رحت... يا حسين يا حسين
يالقلبك إنصاب... يا أكبر إمصاب
يا حسين يا حسين
ترضه الشمر يدفعني و آنه إبكترك
يا خويه شفته إتربع إعله صدرك
ويلي إثنعش طبره يخويه إيطبرك
و يقلي زينب شوفي و يحز نحرك
نادت إلك أرض و سمه... يا حسين يا حسين
و أسمع تنادي فاطمه ... يا حسين يا حسين
وين الدحه الباب... يا أكبر إمصاب
يا حسين يا حسين
يا خويه راسك عالرمح من شفته
أتمنه نحري إسيوفهم ذابحته
صدرك يغالي إخيولهم ساحقته
بس إنت خويه الينذبح يم إخته
غيره شفت نحرك نزف... يا حسين يا حسين
و إبدمك إيظل الشرف... يا حسين يا حسين
يرويها التراب... يا أكبر إمصاب
يا حسين يا حسين
أنظر يخوها إهدومك السلبوها
و أنظر يخويه إخيامنه الحرقوها
سلبوها زينب و الحرم سلبوها
هذا مصير اللي تركها خوها
صاحت رقيه إبيا ذنب... يا حسين يا حسين
بعد المصايب ننسلب... يا حسين يا حسين
وين القمر غاب... يا أكبر إمصاب
يا حسين يا حسين
وينك يخويه قوم شوف إعيالك
بين الحوافر ضيعت أطفالك
من أنظر الحالي و أشاهد حالك
ليش الجرالي و الذي يجرالك
وين اليساعد بت علي... يا حسين يا حسين
بس العليل الظل إلي... يا حسين يا حسين
مو هذا الحساب... يا أكبر إمصاب
يا حسين يا حسين
لازم أشوف اللي كفلني وينه
خلي يشاهد حال إخته إبعينه
بين العده يا با الفضل بقينه
بلكي يجيني و رايته بيمينه
من شفته نايم عالنهر... يا حسين يا حسين
و إتذكرت كسر الظهر... يا حسين يا حسين
بس يبقه العتاب... يا أكبر إمصاب
يا حسين يا حسينزينب عله التل نادتك يا حسين
ديوان السادة
52
سطرًا